قطرات قلم من بقايا بوح القلب

اشوفك بعين قلبي ملاك
مايشبهك احد يانظر عيني
ومافيه احد يوصل غلاك
انتي اللي بالدنيا يكفيني
لوسليت الناس قلبي ماسلاك
وأن ضاق صدري جيتك ترضيني
لاذكرتك غنيت لك اهواك
وبينت لك حبي وحنيني
والله لعيش العمرماانساك
مايكفيك انك قلبي ونظرعيني

ساعه بعد ساعه ويوم بعد يوم
وحين بعد حين وليل بعد ليل

ورقده عقب قعده وقعده عقب نوم
وشده عقب راحه وشده عقب ويل

عالم بعد عالم وقوم بعد قوم
وناس بعد ناس وجيل بعد جيل

لوعشت في دنيا الورى دايم الدوم
حبك بقلبي ناصب له تماثيل

جسمي نحل واللي بقى جلد وعظوم
وتقول حيلك قلت ما عاد بي حيل

الأقدام تعبت يا الغضي والله علوم
لاجيت ابا امشي يارده كنها ميل

جابك لي الله وقلت يا حظ يا مقسوم
ويا ويل ويلي منك ويل على ويل

خايف تصيبك دعوة انسان مظلوم
دعى عليك بها مع تالي الليل

عيشي غدا حسرات وأمراض وهموم
واحرقت نفسي با الكتابه تهاويل

ناس ٍ تحب المضاهر .. ماعندهم حب طاهر
الا الذهب والجواهر .. التجربه علمتني

داعبيني بالأصابع داعبيني
في جبيني وضحي بصمة يديكِ
بالأصابع داعبي خافي حنيني
ماعليك من العواذل ماعليكِ

وان طرى لك تجرحيني فاجرحيني
مايضر الجرح قلب اللي يبيكِ
ناظريني ياحياتي ناظريني
شوفي الإحساس فيني ضاع فيكِ

وكان ودك ترحلين فسامحيني
ومن جبيني امسحي بصمة يديكِ
سامحيني ياحياتي ناظريني
شوفي الإحساس فيني ضاع فيكِ

ليت الزمان اللي مضى يعود
كان ماخترتك لي حبيب
وليت المشاعر كانت جنود
وامنعتني عنك مثل الغريب
وليت حبك ماكان بزود
وليتني عرفت ان أمرك عجيب
كان بنيت لقلبي حدود
ولاخليتك اقرب من قريب
اعاملك بالحب وتعاملني ببرود
الين صار كل امرٍ معك صعيب